Güclü külək əsəcək, yağış yağacaq -Xəbərdarlıq

Hava şəraiti haqqında xəbərdarlıq edilib.

Milli Hodrometeorologiya Xidmətindən “Qafqazinfo”ya verilən məlumatda bildirilib ki, noyabrın 16-da gün ərzində Bakıda və Abşeron yarımadasında cənub küləyinin 15-18 m/s, arabir 20-23 m/s-dək güclənəcəyi, 17-də isə şimal-qərb küləyinin 15-20 m/s, səhər arabir 23-28 m/s, yarımadanın bəzi yerlərində arabir 30 m/s-dək güclənəcəyi gözlənilir.

17-də gündüz bəzi yerlərdə arabir yağış yağacağı ehtimalı var.

Noyabrın 17-də Azərbaycanın rayonlarında şimal və qərb rayonlarından başlayaraq hava şəraitinin qeyri-sabit keçəcəyi, bəzi yerlərdə arabir yağış yağacağı gözlənilir. Ayrı-ayrı yerlərdə (Naxçıvan MR, Şərqi Zəngəzur, Qarabağ, Qazax-Gəncə, Balakən-Şəki, Dağlıq Şirvan, Quba-Qusar, Mərkəzi Aran, Lənkəran-Astara) yağıntıların leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var.

Qərb küləyinin arabir 15-20 m/s, 17-də gecə və səhər ayrı-ayrı yerlərdə arabir 25-30 m/s-dək güclənəcəyi gözlənilir.

Son xəbərlər