Elm və Təhsil Nazirliyinin Təhsildə qrantlar müsabiqəsi çərçivəsində həyata keçirilən “Özünü tanı, cəmiyyətə dəyər qat” layihəsinin bağlanış mərasimi təşkil olunub.
✅ Layihə müddətində həyata keçirilən çoxşaxəli fəaliyyətlərin yekunu olaraq keçirilən tədbir iştirakçılar tərəfindən böyük maraqla qarşılanıb.
✅ Bağlanış mərasimində layihə çərçivəsində görülən işlərə ümumi baxış keçirilib, şagirdlərin iştirak etdiyi təlimlər, debatlar, intellektual oyunlar və təqdimat sessiyalarının nəticələri təqdim olunub.
✅ Qeyd olunub ki, layihə müddətində iştirakçılar özünü tanıma, liderlik, ünsiyyət, komanda işi və qərarvermə kimi mühüm bacarıqlar üzrə nəzəri və praktiki biliklər əldə ediblər.
✅ Tədbir zamanı şagirdlər layihə boyu qazandıqları bilik və bacarıqları əks etdirən çıxışlarla yadda qalıblar. Onların təqdimatları və aktiv iştirakı layihənin əsas məqsədlərinə nail olunduğunu bir daha nümayiş etdirib. Eyni zamanda, layihə çərçivəsində keçirilən fəaliyyətlərin şagirdlərin analitik düşünmə, ictimai çıxış və özünə inam kimi keyfiyyətlərinin inkişafına mühüm təsir göstərdiyi vurğulanıb.
✅ Bağlanış mərasimində fərqlənən iştirakçılar təltif olunub, onlara sertifikat və təşəkkürnamələr təqdim edilib. Bu isə şagirdlərin motivasiyasının artırılması və gələcək inkişaflarına dəstək baxımından xüsusi əhəmiyyət daşıyıb.
✅ Qeyd edək ki, “Özünü tanı, cəmiyyətə dəyər qat” layihəsi Oğuz rayonunun Xaçmaz kənd tam orta məktəbində uğurla icra olunub. Layihənin rəhbəri Vüsal Oğuz Əlfiyevdir. Layihə çərçivəsində həyata keçirilən fəaliyyətlər gənclərin sosial və intellektual inkişafına mühüm töhfə verərək onların cəmiyyətə faydalı fərd kimi formalaşmasına xidmət edib.
✅ Layihə qarşıya qoyulan məqsədlərə nail olaraq uğurla başa çatıb və iştirakçılar tərəfindən yüksək qiymətləndirilib. açar söz