Azərbaycanın İsrailə sərmayəsi 1000 dəfə artdı
Azərbaycan son aylarda İsrail iqtisadiyyatına yatırımlarını misilsiz dərəcədə artırıb.
Əgər ötən ilin ilk yarısında İsrailə cəmi 400 min dollar sərmayə qoyulmuşdusa, bu ilin eyni dövründə bu rəqəm 542,5 milyon dollara yüksəlib — yəni 1000 dəfədən çox artım qeydə alınıb.
Hazırda Azərbaycanın xaricə yönəltdiyi bütün birbaşa investisiyaların 40,2%-i məhz İsrailin payına düşür.
Bu, xüsusilə İsrailin beynəlxalq arenada tədricən təcrid olunduğu bir vaxtda diqqət çəkir.
Digər tərəfdən, Türkiyə Prezidenti Rəcəb Tayyib Ərdoğan isə iki gün öncə Qətərdə keçirilən Ərəb-İslam sammitində bildirib ki, Ankara İsraillə bütün ticarət əlaqələrini dayandırıb. Onun sözlərinə görə, bu qərar Türkiyəyə illik təxminən 9,5 milyard dollarlıq iqtisadi itki bahasına başa gələcək.
