Türkər Qasımzadə Berlin VOICES Festivalında Qarabağ Universitetini təmsil edib
Qarabağ Universitetinin İncəsənət fakültəsinin dekanı, bəstəkar Türkər Qasımzadə Almaniyanın Berlin şəhərində keçirilən VOİCES İfaçılıq Sənətləri Festivalında iştirak edib.
Festivalda Türkər Qasımzadənin “Qurama” əsəri dünya şöhrətli Klangforum ansamblı tərəfindən ifa olunub.
Türkər Qasımzadə eyni zamanda festivalın panel müzakirələrində iştirak edərək Qarabağ Universiteti haqqında məlumat verib və auditoriyanın suallarını cavablandırıb.
Qeyd edək ki, hər il keçirilən bu festival müasir musiqi, teatr və rəqs platforması olaraq Avropanın ən qabaqcıl festivallarından birinə çevrilib. Festival çərçivəsində Klangforum Ansamblı konsert proqramı ilə çıxış edib.
